Avula Balanadham Amar Hai! Written Ganumala Gnaneshwar

• 

💐💐💐💐💐💐💐 ప్రముఖ దళిత బహుజన నాయకులు, ఆంధ్రప్రదేశ్ షెడ్యూల్డ్ కులాల హక్కుల పరిరక్షణ సంఘం పూర్వ అధ్యక్షుడు, మాల సంఘాల ఐక్య వేదిక జాతీయ అధ్యక్షుడు, మాలల అలయ్ బలయ్ నిర్వాహకులు , ఆది హిందూ సోషల్ సర్వీస్ లీగ్ ట్రస్టీ ఆ‌వుల బాలనాధంగారు తేదీ 06.11.2021 న సాయంత్రం పరమపదించారు.💐💐💐💐💐💐💐💐💐 అంత్యక్రియలు ఈరోజు అంటే 07.11. 2021 న మధ్యాహ్నం 1 గంటకు హైదరాబాద్ లో అంబర్ పేట శ్మశాన వాటికలో జరుగుతాయి. ఆయన నివాసం ట్రూప్ బజార్, ఆబిడ్స్ నుంచి ఊరేగింపు గా తీసుకుని వెళ్తారు.💐💐బాలనాధం గారికి భార్య, ముగ్గురు కుమారులు, కుమార్తె , కోడళ్ళు, అల్లుడు, మనుమలు, మనుమరాళ్ళు ఉన్నారు. 💐 ఫస్ట్ వేవ్ కరోనా వైరస్ నుంచి కోలుకున్నాడు. ఇటీవల కాలంలో తిరిగి ఆరోగ్యం క్షీణించడంతో చికిత్స పొందారు.డి‌శ్చార్జ్ అయ్యాక అక్టోబర్ 10 న వారి ఇంటికి వెళ్ళి పరామర్శించాం.తిరిగి ఆకస్మికంగా అస్వస్థతకు గురికావడంతో మహా వీర్ ఆసుపత్రిలో నిర్యాణం చెందారు.💐 బాలనాధం గారు ఇరవై సంవత్సరాల కు పైగా ఆంధ్రప్రదేశ్ షెడ్యూల్డ్ కులాల హక్కుల పరిరక్షణ సంఘం అధ్యక్షుడుగా ఆ సంస్థ అభివృద్ధికి కృషి చేశారు. ఇది తెలంగాణాలో ఆవిర్భవించిన సంస్థ.దీని స్థాపకులు ఎన్.ఆర్.పోకల, ఎం.వేణుగోపాల్,జి.బాలకృష్ణ, ఎ.జగన్నాధం, కృష్ణ రంగం, మునుస్వామి తదితర సీనియర్ నాయకులతో, జి.మురళీధరరావు, ఆర్.అంజయ్య లను కలుపుకుని ఆయన పని చేశారు.💐 కారంచేడు కు ముందు అత్యాచారాలకు వ్యతిరేకంగా జరిగిన ఉద్యమాల్లో ఆంధ్రప్రదేశ్ షెడ్యూల్డ్ కులాల సంక్షేమ సంఘం, ఆంధ్రప్రదేశ్ షెడ్యూల్డ్ కులాల హక్కుల పరిరక్షణ సంఘం, ఆంధ్రప్రదేశ్ అంబేద్కర్ యువజన సంఘం లతో కలిసి జరిపిన దళిత్ కోఆర్డినేషన్ కమిటీ లో డాక్టర్ కె.నాగయ్య, జె.బి.రాజు, ఎం.ప్రేంకుమార్, బొజ్జా తారకం లతో కలిసి ప్రధాన భూమిక పోషించారు.💐💐1985 లో జరిగిన “ఆల్ ఇండియా ప్రొటెస్ట్ ఆన్ కారంచేడు కార్నేజ్ “”బొజ్జా తారకం గారి సారధ్యంలో జరిగినప్పుడు హైదరాబాద్ లోని దళిత సంఘాల మద్దతు లేనప్పుడు బాలనాధంగారు ఎపిఎస్సిఆర్పపిఎస్ తరఫు న సంపూర్ణ మద్దతు ఇచ్చారు.💐💐 డాక్టర్ కె.లింగయ్య, పి.వి.రావుల అధ్యక్షతన ఎస్సీ వర్గీకరణ వ్యతిరేక ఉద్యమంలో పాల్గొనడమే కాకుండా ఆయన మాలల ఐక్యతకు కృషి చేశారు. గండిపేటలో మాలల అలయ్ బలయ్ లకు సారధ్యం వహించారు. “మల్లెమాల ” పేరుతో తన సంపాదకత్వం లో సంవత్సర కాలం త్రైమాస పత్రికను వెలువరించారు. ఉషా మెహ్రా కమిటీకి వ్యతిరేక నిరసన ఉద్యమంలో పాల్గొన్నారు.జస్టిస్ రామచంద్ర రాజు కమిషన్ కు ఎస్సీ వర్గీకరణపై ఇచ్చిన అఫిడవిట్ లో సంతకం చేసిన వారిలో బాలనాధం ఒకరు.💐💐ఆది హిందూ భవన్ తొలగించడానికి ఏదో నెపంతో సోదరులు ఒక సీనియర్ మంత్రి, ఐపిఎస్ అధికారి కుట్ర చేసినప్పుడు బాలనాధంగారు సుందర్ కుమార్ దాస్ ఐపిఎస్ సహకారం తో దానిని నివారించారు.ఆయనను ఆది హిందూ సోషల్ సర్వీస్ లీగ్ వారు రవీంద్ర భారతిలో తొలి భాగ్యరెడ్డి వర్మ జీవిత సాఫల్య పురస్కారం తో సత్కరించారు.💐💐 అంబేడ్కర్,జగ్జీవన్ రామ్ ఉత్సవాల కమిటీ చైర్మన్ గా దళిత రత్న అవార్డుల బహూకరణకు శ్రీ కారం చుట్టారు.💐💐 తెలుగు దేశం ప్రభుత్వం ట్యాంక్ బండ్ పై అంబేడ్కర్ జయంతిని నిషేధించిన ప్పుడు జి.వెంకటస్వామి( కాకా) సారధ్యంలో ఇద్దరు నాయకుల ఉత్సవాలు నిర్వహించబడ్డాయి.కాకాకు ఆత్మీయులయిన బాలనాధంగారిపై నిర్వహణ భారం ఎక్కువ పడింది.బాలనాధం గారు కాకా విగ్రహం ట్యాంక్ బండ్ పై పెట్టడానికి బత్తుల రాంప్రసాద్ తదితరులతో ముందు వరుసలో నిలబడి పోరాటం చేశారు.💐💐APSCRPS అధ్యక్షుడిగా లోయర్ ట్యాంక్ బండ్ లో అంబేడ్కర్ భవన్ నిర్మాణానికి ప్రభుత్వం పై ఒత్తిడి తెచ్చారు.53 రోజుల నిరాహారదీక్ష ఉద్యమం చేపట్టి విజయం సాధించారు.💐💐 ఆయన కార్మిక నాయకుడి గా కేంద్ర కర్మాగారాల లో ఎస్సీ, ఎస్టీ ఉద్యోగుల డిమాండ్ ల పరిష్కారానికి ఎ.విజయ్ చందర్ తో కలిసి పని చేశారు.💐ఇసిఐఎల్ ఉద్యోగానికి స్వచ్ఛంద పదవీ విరమణ చేసి పూర్తి కాలం ఉద్యమాల్లో పాల్గొన్నారు. ఇ.సి.ఐ.ఎల్.ఉద్యోగుల తరఫున కారంచేడు బాధితులకు భూరి ఆర్థిక సహాయం, దుప్పట్లు అందజేశారు. దాదాపు అన్ని ఉద్యమ కార్యక్రమాలలో వ్యక్తి గతంగా, సంఘ పరంగా, సంఘాల సమన్వయంతో నూ చురుగ్గా పని చేశారు.💐💐1985లో నన్ను APSCRPS లో చేర్పించడానికి మా ఇంటికి వచ్చి రెండు గంటల పాటు చర్చించారు. అయితే నేను అంగీకరించలేదు.అప్పుడు నేను ఆంధ్రప్రదేశ్ దళిత మహాసభ లో పని చేస్తున్నాను.💐బాలనాధం గారికి ప్రముఖ కాంగ్రెస్ సీనియర్ నేతలతో పాటు ఎన్టీఆర్, చంద్రబాబు నాయుడు తో కూడా మంచి పరిచయం ఉండేది. ఉదిత్ రాజ్ ఉద్యమాలకు సహకారం అందించారు.💐💐 ఆయన నిబద్ధతకు నిలువెత్తు నిదర్శనం.కార్య క్షేత్రం ముఖ్యంగా తెలంగాణ ప్రాంతం.ఎప్పుడూ సమాజానికి గణనీయంగా సేవ చేయాలని ఆలోచిస్తుండే వారు.నిష్కర్షగా మాట్లాడే వారు. కఠిన నిర్ణయాలు తీసుకోవడం, ధైర్యంగా ముందుకు పోవడం ఆయన స్వభావం.ఆయన లేని లోటు భర్తీ చేయలేం.ఆయన మృతి పట్ల సంతాపం వ్యక్తం చేస్తూ, వారి కుటుంబ సభ్యులకు సానుభూతి వ్యక్తం చేస్తున్నాం.—— గనుమల జ్ఞానేశ్వర్, డాక్టర్ కె.లింగయ్య, ప్రొఫెసర్ ఈ.సుధారాణి, డాక్టర్ బి.విజయభారతి, ప్రొఫెసర్ ఘంటా చక్రపాణి, ప్రొఫెసర్ ఆర్.లింబాద్రి, అంబాసిడర్ డాక్టర్ బి.ఎం.వినోద్ కుమార్, డాక్టర్ డి.యాదయ్య, పులి యాదగిరి, జె.సిధ్ధార్థ కుమార్…… డాక్టర్ బి.ఆర్.అంబేడ్కర్ మెమోరియల్ ట్రస్ట్, హైదరాబాద్.